Inspirazioa genioaren aukera da- Honoré de Balzac

Bidaiari, igual kartel ala flyer hau ikusiko zenuen gure kaleetatik:

Esposaketa barria iragartzen du. Itxura ona, ezta? Ba, emonzazu bueltatxu bat Alde Zaharretiik eta pintxo eta erosketa artean sar zaitez bildur barik hementxe komentatu genizun Kalao galerian. Txusek primerako margolari senegaldarra dakar: Mohamadou Douts Ndoye. 

Dakarreko Arte Eder Eskola Nazionalean 1999an diplomatua, 35 urtetako artista plastiko honek hainbat bakarkako zein taldeko esposaketak aurkeztu ditu Afrikan baita Europan be. Holan, horren gaztea izanda be, nazioarteko oihartzunik haundiena duen senegaldarra bihurtu da.

Kalaon bere "Train Train Medina" animazio laburmetraia eta "Camaleon" erreportaia ikusteko aukera dago. Eta gura izanez gero, abenduaren 16an (pre-jaialdiko datak) inauguraziño ofiziala egingo da arratsaldeko 8etan Kalaon bertan Douts Ndoye beraren presentziarekin. Pare bat ardaotxu edango ditu Kalaoren 3. urteurrena ospatzeko eta, bide batez, JetLagBio08ren giroa berotzen ahazteko!

(Portzierto, bart bapo afaldu dugu blogari bileran: Mbayek maffé prestatu digu... eta betekada galanta, uffa!)