Bizitza txirrindulan ibiltea bezela da: oreka mantentzeko mugitzen jarraitu behar duzu- Albert Einstein                                                                                       

...baina orekak ez du balio aspaldi jausi zarenian- Berri txarrak

Eiii turista, ez duzu dagoeneko ahaztu zelan aurreko post batean Oker eta Bizargorri Olabeagaraino heldu ziren itsasadarraren ondotik doan bidegorritik, ezta? (portzierto, aste honetan Olabeagako jaiak dira, martitzenean piratari bisita eta estrenatu genituen...). Ba, noizbait Botxotik ikusi banauzu, jakingo duzu honezkero "kutsatu" nautela eta beti nabilela nire gezi urdinean Indautxu gora eta behera. 

Egia esan, sekula ez naiz Senegaleko hiriburuan izan baina inoiz joatekotan (Javi 10 egun dituela ibre ondino eta hara joango dela esaten hasi da), ziur txirrindulaz eginiko bidaia izango dela. Abantailak agerikoak dira: jendearekin kontaktu zuzenagoa egiten da eta ez da tren/busen ibilbide ala ordutegien menpe egon behar. Ganera, herrialde egokia da txirrindulan ibilteko hango erliebea ez baita lar malkartsua. Edozein herritan tailerrak ei daude, bestalde. Senegal bi gurpiletan zeharkatu duten pertsonen hainbat blog irakurri ditut eta itxura ona du benetan...

Esate baterako, botaiozu begiradatxu bat Ecoviajeros- ek proposatzen dituen ibilbideei. Bata Basari eta bestea Casamance, Dakarretik ez oso urrun dauden bi eskualde ederrak, amalurra errespetatuz bisitatzeko.

A! agendawomanen beste hitzordu bat: domekan bizi- argazki rallya Biziz Biziko kideek antolatuta, anima zaitez!